انضم الينا على الفيسبوك وتابع كل جديد


اعلن معنا اذا كان لديك موقع الكتروني او محل تجاري او شركة وحقق احلامك في الشهرة في اقصر فترة ممكنة .. للأعلان معنا والاتصال بنا . اضغط هنا


گلبي بنظرة منچ هام عذري و عشگ عشگچ عشگ عشاگ عذري ماگولن احبچ هذا عذري و اجي بكل يوم يم دارج و امرهه و عشگت الحلو بعشرتنه و مرهه خطية


+ الرد على الموضوع + إنشاء موضوع جديد
النتائج 1 إلى 6 من 6

الموضوع: احله ابوذيه

گلبي بنظرة منچ هام عذري و عشگ عشگچ عشگ عشاگ عذري ماگولن احبچ هذا عذري و اجي بكل يوم يم دارج و امرهه و عشگت الحلو بعشرتنه و مرهه خطية

  1. #1

    مشرف المنتدى الترفيهي

     

    الصورة الرمزية صائد القلوب
    رقم العضوية : 283
    تاريخ التسجيل : Jul 2011
    المشاركات : 134
    التقييم : 10
    الدولة : Baghdad, Iraq, Iraq
    العمل : طالب
    الجنـس : ذكر
    الجنسية : عراقيه
    الهوايه : اهتم بكرة القدم /الدراسه/حفظ الشعر

    افتراضي احله ابوذيه

    گلبي بنظرة منچ هام عذري
    و عشگ عشگچ عشگ عشاگ عذري
    ماگولن احبچ هذا عذري

    و اجي بكل يوم يم دارج و امرهه
    و عشگت الحلو بعشرتنه و مرهه
    خطية الروح حيرانه و امره

    صفه بأيدچ دشوفي شلون حالي
    علية الضيم بس لايگ و حالي
    القهر ماضي البشر كلهه و حالي

    فقط وياي شو صاير و حاضر
    و صرت استاذ باحزاني و احاضر
    على استعداد دوم ابقى وحاضر

    انفذ كل طلب منچ باشاره
    يهالوجهچ سمح كله بشاره
    اجيتي من السما انتي بشاره

    و جبتيلي الفرح كلة و خيره
    بغيابچ روحي مغلوبه و اخيره
    سحر سويت انا لاجلچ و خيرة

    تشوف شينفع بحبچ وسيلة
    و يفيد اهمل دمع عيني و اسيلة
    اناشد هالگلب صدگي و اسيله


    غيرچ بيه احد منتسبله ؟
    و يحب روحچ تمدحه و من تسبله
    سألني الگلب تدري من تسبلة

    شعرهه شلون چنه بليل حالك
    و اريد انشد عن اخبارك و حالك
    دگلي بحبهه انت احد وحالك

    لو گلي محبتك هاي فطره
    و تعال و شوف گلبي شوسع فطره
    صايم بالحزن ما شاف فطره

    و مرض و انت محبتك مرهم النه
    و جفاك الروح صدگ مرهم لنه
    حبيبي شبيك تجفي مر هملنه

    عليك عيون مو دمعه و اعدي
    و بعد ما ينفع حسابي و عدي
    عندي اصحاب بالجملة و عندي

    فقط محبوب انت و گلبي مالك
    و تناشدني و تگلي شبيك مالك ؟
    احاچي الكون كله لساني ما لك

    و يم روحك تلكأ خاف منهه
    و محبتك ما عرفنه الخافي منهه
    منه صغيرة عندي خاف امنهه

    عليك و ما تحب المنه بينه
    و لا نرضه نزعل المنه بينه
    الوصايا انت تعرفهه المن نبينه

    لو رايد اعلمك و افهمنك
    يلي برقتك ماكو و افهه منك
    اذا انت تگول فاهم و افهم انك

    فهمت المسأله شمالك يخلي
    چفك بالگلب خنجر يخلي
    و يشوف جروح البگلبي و يخلي

    بجروحه و حسرته و خنجر ترك بي
    و چفوفك اجت و بزايد ترك بي
    ولك حبنه فرع واحد ترك بي

    يأما ان تتركه و ان تحله
    و يأما ان تشده و ان تحله
    طفل عريان گلبي و انت حله

    تعال ارجوك وك استر عورته
    و تذكر شون بغيابك عورته
    ولك عينين چانتله و عورته


    لمن رحت و تركته و صار عامي
    و الك مخصوص چان و صار عامي
    وك مو عام واحد صار عامي

    صار اعوام نار و انت جنه
    و سكن جني بدليلي و انت جنه
    دخيلك دحچي يسمر و انتجنه

    شهد صافي و اظن حچيك شهد بي
    و تريد اترك و اهد حبك شهد بي
    اذا گلبك اقر ليه و شهد بي

    حبي شلون هسه تريد اهمله
    و انا الدمعي فقط لجلك اهمله
    چنت يا ناس بالشدات اهمله

    و من طحت بشدايد مره شدهه
    لحد مالروح شطت من رشدهه
    احل مرة محبته و مرة اشدهه

    و مرة اندم على اللجله ضحيته
    و احس الروح شو چنهه ضحيته
    سوة صارت مسيته وي ضحيته

    و سواد الدنيا بعيوني تراكم
    و بعد العيون ما تگدر تراكم
    لان صار الرمد بيهه ترا كم

    و اناشد يمته تشفه من رمدهه
    و اجر بالونة مرة و مرة امدهه
    اجو عذال بعدك مرم ادهه

    من أي عاذل بهذا الكون كله
    يالمنك نسجت بگلبي كله
    تريد اترك و ابطل شوگ كلا

    اظل للموت احبك وك هويتك
    و دليلي بنار ما اهوي هويتك
    صدگ يفلان ما اعرف هويتك

    و لكنك صرت لية هويه
    ----------------------------
    حبيبي الروح ملكك مالك انته
    واكصه الكلب كون مالك انته
    اسالك عن محبتي مالك انته؟
    عفتهه وشمتيت الناس بيه

    عفتهه وباللسان اصبحت لكناه
    وصدودك علكم ومن غصب لكناه
    ضميرك ماوكفلك يوم لكناه
    ويكلك بالجره منك عليه

    ويكلك بالجره والصار مليت
    ويكلك يامه مني اسهام مليت
    هجرك بس ابد ماكول مليت
    ولافرح الشماته يوم بيه

    ولافرح الشماته وخله خلي
    بيه وكلت يرجع خله خلي
    واظل للموت اصيحن خلي خلي
    واكولن ماكطع وصله عليه

    واكولن ماكطع وصله ولاراح
    رغم لاجسد ظل بيه ولاراح
    رحاهه الناس ماتفتر والي راح
    تفتر فرة الناعور بيه

    تفتر فرة الناعور وانته
    ولاجنك سمعت بيوم وانته
    كلبي ومايهمك ذاب وانتاه
    ولاهمك سواك عله الوطية
    --------------------------
    بعيد وشافتك عيني من هناك
    وهناهة الروح صدكني من هناك
    اريد اسأل على كلبك منو هناك
    بعدهة خالية كل اراضية
    لو همينة كعدوا بيه حواسم
    وانا كلبي شحوا منك حوا سم
    اريد اعتب على الي بيك حوسم
    مايدري انتة كلك ملك الية
    لو رأسا يطلع بيدة طابو
    ويجي وياخذ من بلكلب طبو
    انا جروحي ابد مايوم طابو
    انتضرك تجيني تحن علية
    لأن ماعندي انا بلكون غيرك
    واريد اعرف شنو بهلناس غرك
    حبيتك تريد انوب اغيرك
    شنو مخبل جنت تلعب علية
    لو جيف اني احبك موت واكثر
    وضل حبي يزيد هواي واكثر
    شوف شلون كلبي عليك وك ثار
    بكثر مابيه من ضيم واذية
    وضل يومية يصرخ ليل وانهار
    ومن كثر العذاب انفجر وانهار
    ونارة ماطفت ببحور وانهار
    تطفى بجيتك انتة الية
    لأن ميت بدونك لامحالة
    وحالي من فركتك لام حالة
    شكثر حلوات كلبي لمحلة
    يكلهم ملك غيري مو الية
    وبس انتة الملكتة والك صار
    وماكو طوال عجبنة ولا كصار
    ولك كلي اريدنك ولك صر
    اصرارك يخلي الامل بية
    ديلا انطر جوابك سامع اني
    وحجي يجرح الشامت سمعاني
    ولك والله بغيابك سم اعاني
    واضن للدوم راح ابقى بأذية
    ويكلبي مو الك صارت وانتة لاهة
    وبعد مااضن نرجع ونتلاهة
    يربي انتة الخلقتة وانتة الاهة
    اريد تغيرة ويرجع الية
    ----------------------------
    كلبي من الهجر ياصاح مالوم
    وجرح كلبي لهسه يسيل ملوم
    وعليه اشما حجو شمات مالوم
    حقه الشامت اشما شمت بيه
    حقه الشامت اشما كال عناي
    واريد اليوم اجيك زحوف عناي
    ولحن كلبي اعزفه بحزن عناي
    واسمعك حزن كلبي اشعمل بيه
    عمل مني خشب دكني مسامير
    واكضي الليل وحداني مسامر
    حلو نهاري لجن وسفه مسامر
    لأن ذكرك يمر غصبا عليه
    يمر غصبا لأن انته ويروحاي
    ويهدني الليل من كثرة يروحاي
    يرو ميت لجن كلبي يروحاي
    لأن هو نبض ظل يسري بيه
    لأن هو نبض ليه وناله
    وكلبي ماون لغيره وناله
    ريت كليبه جائزتي وناله
    لأن كلبه شبه جنه اليه
    لأن كلبه هواني وبس الي راد
    ودمه ابحبي ظل يصدر والي راد
    اشما تبعد علي تالي الي راد
    وتبوس بيدي حتى تعود اليه
    حتى تعود وايدك ترد بيداي
    وتهت انته ابغرامي ابوسط بيداي
    لأن كلبك هجرني وصار بيداي
    هجرني وماعرف تالي القضيه
    هجرني وما كدر لليوم ينسان
    وعلي ندمان لازم ترد ينسان
    وقانون ابرجعتك شرط ينسان
    تعض ايد ندم وتبوس اديه
    -------------------------
    حبي انفضح لاجلك صار شعلة
    وانة النورت دربك صار شعلة
    اشعلة الكلب رايد ؟؟ صار اشعلة


    اقفلة الكلب لاجلك ؟ صار اقفلة
    ولباب الكلب حبك صار قفلة
    اكوم لحسن عينك؟ صار اقفلة


    اصد الشمس عنك ؟ صار اسدها
    ولبحيرة كلبي حبك صار سدها
    يلبوة حسن كلبي .. صار اسدها



    الاسد لو شاف طولك صار حرمة
    العمرك عمري اتلفة وصار احرمة
    احرم شوف غيرك ؟ صار احرمة


    اعلة موتت شوفي اعينك ؟ صار اعينك
    ويكلبي بنص ضلامك صار عينك
    تريد بروحي اعينك ؟؟ صار اعينك


    شعين بية كلبك صار اداري
    وية ظلك انة ساكن صار داري
    حبيبي بروحي اخدمك صار اداري


    حديد الكلب لاجلك صار فضة
    العتب وياك اختمة وصار افضة
    افضلك دمع عيني ؟ صار افضة


    ونزل دمعي اعلة خدي وصار جاري
    وانة الاجرت كلبك صار اجاري
    اجاري عناد روحك؟ صار اجاري


    اعلة روحي اتريد اسيرك ؟ صار اسيرك
    وكلبي بقفص حبك صار اسيرك
    عذابي ايسر جنابك ؟ صار اسرك


    حبك حكم كلبي وصار ابوية
    وصبغ كل هذا حجيك صار بوية
    اسكت ما اعاتب ؟ صار ابوية


    عليك اتريد اسلم؟ صار اسلم
    ورتقائك كلبي غاية وصار سلم
    اسلمة الكلبي بيدك ؟ صار اسلم


    تريد بكلبي اقدسك ؟ صار اجلك
    واذا انتة الكبر مسك صار جيلك
    زحف رايدني اجيلك ؟ صار اجيلك


    واجالك زحف كلبي وصار طفلك
    وطفي بشفتي نارك صار اطفلك
    مقام اتريد ازورك ؟ صار اطفلك


    بشعرك طاف كلبي وصار مشرك
    وريدي بحبل شعرك صار مشرك
    حرام ادكلي تشرك .. صار مشرك


    شركت وهسة حبك صار ديني
    وذنب حبك خطيتي وصار ديني
    شخصك هسة جاني ..وصار ديني !!


    شوكت تدريني مشرك ؟ صار مدة
    وجرحي بدم غيابك صار مدة
    بطولك جرحي امدة ؟ صار امدة


    جرحي بكبر طولك صار طولة
    وتكلي شوية طولة . صار اطولة
    اذا انتة النجم رايد ؟ صار اطولة


    حبي شعمرة تسال ؟ صار قبلك
    وينار بشفتي ابوسك صار اقبلك
    يكلشي بكلشي اريدك صار اقبلك


    تريد بظلي اشوفك؟ صار اشوفك
    وبشمع عشر الاصابع صار شوفك
    اكشف كلبي اشوفك ؟ صار اشوفك


    خلص كلبي بيدك صار خالي
    وانة الخاويت كلبك صار خالي
    تغلط وابقة ساكت ؟؟ صار خاللي

    شكلك وانتة ابوية وخال الية
    -------------------------------
    لانك بالتزامك مو من اهلك ((( مؤمن)))
    اخاف اتشيل ذنبي مو من اهلك ((( التهلكه)))
    منو بكدي يحبك مو من اهلك ((( اهلك)))
    منو بكدي يحبك من عشرتك ((( عشيرتك)))
    ويتمنة ايصير اصبع من عشرتك ((( اصباعك)))
    وانة شكضيت حالي من عشرتك ((( العشرة)))
    اعد بسنين عشرتنه وهي جروح ((( جروح)))
    واحس وية النفس يطلع وهج روح ((( طلوع الروم)))
    واخيرا كتلي ودعني وهج روح ((( ابتعد)))
    اروحن وين ما اكدر هوة انتة ((( هواء)))
    وانتة الما هان من اجلك هونتة ((( اهانة)))
    الي بدنياي شي واحد هوة انتة ((( انتة)))
    وحرت بين ان تركته وانبعته ((( تبعته)))
    انا الونيت والون وانتبعته ((( ونيت)))
    ما باعك حبيبك وانتة بعته ((( بعته)))
    حبيبك باع عمرة واشترك بي ((( اشرتك بحبك)))
    وحزن كلبي على حزنك واشترك بيه ((( اشترك بالحزن)))
    وبعد شدوس كلبي وشترك بي ((( الرقة بالقلب)))
    جبل حبة وتكلكل منته كل بي ((( انت غير موجود)))
    ويدنية شما دفتعيه لن تكلبي ((( لن تقلبيه)))
    واذا تنسا يكلبي لنتة كلبي ((( متبري منك)))
    ولا ريدك بعد وبصدري احملك ((( اشيلك)))
    وحبيبي شلون ترضة بصدري احملك ((( احم لك)))
    اذا حملك يتعبك صدري احملك ((( احملك)))
    الي وروحي الارض وشكد دولهه ((( دول)))
    وتداوي الداء لو بالمخ دولهه ((( دائهه)))
    بس العين ما يحصل دولهه ((( الدواء)))
    دواها العين خله من تقر بيه ((( من تشوفه)))
    وتصب كل ما تشوفك منته قربي ((( عند اقترابك)))
    ولك شيصير حبك من تقر بيه ((( من تثبته)))
    وتحبني يقين انتة بصدري مو شك ((( الشك)))
    الف شوكة سكوت بصدري موشك ((( موشك)))
    انذبح كلبي وتشضة بصد رموشك ((( برفضك)))
    وعرف محد يدفنة وشي دفن شي ((( شي دفن شي)))
    وعكب صدرة المواكب شي دفن شي ((( شي بعد شي)))
    كفر من رسم غيرك شي دفن شي ((( شي دفن شي)))
    واضن للجنة يدخل من يرسمك ((( الرسم)))
    وحبيبيك يمسح اسمه من يرسمك ((( من يشوف اسمك)))
    ابسمك حبيي جمالك من يرسمك ((( يرى سمائك)))
    وانة الليل بعيونك شفتك احلة ((( اجمل من الليل)))
    وشفت شمس الاصيل وشفتك احلة ((( انتة احلة)))
    والعسل من ضكته كلك شفتك احلة ((( شفتك احلى من العسل)))
    اذا لو من شفاهك بستك اشفة ((( الشفاء)))
    اذا انتة المات يعدل بس تكشفة ((( ترفع الغطاء)))
    شتضن حبك يضعفك بس تكشفك ((( تضهره)))
    وعلي تخفي اهتمامك وكتراثك ((( الاكتراث)))
    وانة المن مات كلبي وك تراثك ((( ذكرياتك)))
    نسيت الحب الاول وك تراثك ((( التراث)))
    صدك ينسة تراثة هسة جيلك ((( الجيل)))
    وتشوف ازواج عيني هسة اجيلك ((( التغير الجديد)))
    ونادي وما تكلي هسة اجيلك ((( اجيك)))
    صحتلك ياء صارت كبر يائي ((( كبر الياء)))
    وذا رائيت بالشط كبريائي ((( حالي)))
    حبيبي شلون تجرح كبريائي ((( الكبرياء)))
    وتذلني كبال كل ناسك وناسي ((( اهلي)))
    وبقيت بصحرة شاتلني وناسي ((( نسيتني)))
    ناس تكلي لا تسكت وناسيه ((( انساه)))
    لان كلش مذلتي لا كتلهم ((( راقت لهم)))
    وجبل حبي المقدس لا كتلهم ((( قتلهم)))
    كالوا حيل ذلك لاكتلهم ((( لم اقل لهم)))
    عناية حتاج كلبه وجاي اعانية ((( اداريه ادلـله)))
    وخفيت شكثر منك جاي اعاني ((( المعاناه)))
    تمرمرني من ازورك جايع اني ((( الجوع)))
    شكثر ندمان جا بيتك عتبته ((( اجيته)))
    وعرفني الباب من دكتي وعتيته ((( عتبة الباب)))
    عتابي وياك جه حبك عتبته ((( طرقت بابة)))
    كلبي شلون يمهم وك كسرته ((( الكسر)))
    اسير وذل شجالك وك كسرته ((( الاسر)))
    كبل جانت اسرتك وك اسرته ((( الاسرة)))
    اسرتك هسة سمتني الضحيه
    ----------------------------------
    كَال إنــــتّ كــلــبـك جَلد كَتله آنه أحـس بالي
    كَال إنتّ لــيــش إزعــلت كَتله آنه حس بالي
    كَال إنــــتّ فاهم غــــلط كـَـتـــله آنه حسبالي

    كَال آنه أحــــبــك أضل كَتله البــّخـّـت حالك
    كَال آنه أبيض كـََـلـــب كَتله البــّخـّـت حالك
    كَال آنه يــَمّــك نـمــت كَتله البــّخـّـت حالك

    كَال إنتّ مَــتمسّني كَــتله إنــــتّ صايـــر شمس
    كَال إنتّ أمس شو تمس كَتله إنتّ صاير شمس
    كَال إنتّ صاير حلو كَــتله إنـــتّ صايــر شمس

    كَال آنه شمعة وضوت كَتله آنه لوحة وطفت
    كَال آنه حضرة عـشكَـ كَتله آنه لوحة وطـفت
    كَال آنه بــحــر الغَـَزل كَتله آنه لوحة وطفت

    كَال إنتّ رايد منو كَتــــــلـــه آنه اريدك بألم
    كَال آنه ماتوا هلي كَتـــــلـه آنه اريدك بلا إم
    كَال إنتّ وكتك بحر كَتـــــلـــه آنه اريدك بلم

    كَال إنتّ عمرك حزن كَتله إنتّ مَتـــعى في
    كَال إنتّ جسمك ضَعَف كَتله إنتّ مَتعافـــي
    كَال إنتّ منغر علــــّــي كَتله إنتّ متعافـــي

    كَال آنه أحـس مبتلي كَتله آنه أحــس بالي
    -------------------------------------
    زمان الجان يزهي كبل مادام

    وبجيت عله الخدود الروح مادام

    عكبهم كلت اسم الروح مادام

    مشوا عني بعد جا شلي بيه؟




    مشوا عني شلي بروحي بعدهم

    وكت كل غايته عني بعدهم

    عيد المايحط جفه بعدهم

    حرام انجان يهنه العيد اليه





    حرام انجان يهنه العيد ويطيب

    ولاجرح البعد يلتام ويطيب

    الي بركان حدر الضلع ويطيب

    يطك من تمر ذكراهم عليه





    يطك من تمر ذكراهم وليراي

    الي جانوا نهر عشره وليراي

    لهم راي اليفاركنه وليراي

    اسير ويّ الضعن ماصح بديه





    اسير ويّ الضعن كصدي ولاصاح

    بشر لاعدل ظل عدها ولاصاح

    حده حدايهم سكته ولاصاح

    حده وكطذع بكايه الروح بيه





    حده وكطّع غفل روحي منحداه

    وعميت وماعرف حدي منحداه

    سوه ماكو فرق وحده منحداه

    النوايب ذيج بيك وهاي بيه





    النوايب دارن وصكن بعدكام

    وكضن عشرين من عمري بعد كام؟

    كضت كومه من جروحي بعد كام

    يمين اجان اداويهن بديه





    يمين انجان اداويهن ولاروف

    وبعد لا أرحم بحالي ولاروف

    تهت لاماي ظل عندي ولاروف

    فقط دمع الوجد نهران بيه






    فقط دمع الوجد نهران ليلاي

    على اللاظم الليلو فوك ليلاي

    جذب ماظن تصير بيوم ليلاي

    إذا حته آنه صاير موش أليه

    إذا حته آنه صاير موش أليه
    ---------------------------
    زمان الجان يزهي كبل مادام

    وبجيت عله الخدود الروح مادام

    عكبهم كلت اسم الروح مادام

    مشوا عني بعد جا شلي بيه؟




    مشوا عني شلي بروحي بعدهم

    وكت كل غايته عني بعدهم

    عيد المايحط جفه بعدهم

    حرام انجان يهنه العيد اليه





    حرام انجان يهنه العيد ويطيب

    ولاجرح البعد يلتام ويطيب

    الي بركان حدر الضلع ويطيب

    يطك من تمر ذكراهم عليه





    يطك من تمر ذكراهم وليراي

    الي جانوا نهر عشره وليراي

    لهم راي اليفاركنه وليراي

    اسير ويّ الضعن ماصح بديه





    اسير ويّ الضعن كصدي ولاصاح

    بشر لاعدل ظل عدها ولاصاح

    حده حدايهم سكته ولاصاح

    حده وكطذع بكايه الروح بيه





    حده وكطّع غفل روحي منحداه

    وعميت وماعرف حدي منحداه

    سوه ماكو فرق وحده منحداه

    النوايب ذيج بيك وهاي بيه





    النوايب دارن وصكن بعدكام

    وكضن عشرين من عمري بعد كام؟

    كضت كومه من جروحي بعد كام

    يمين اجان اداويهن بديه





    يمين انجان اداويهن ولاروف

    وبعد لا أرحم بحالي ولاروف

    تهت لاماي ظل عندي ولاروف

    فقط دمع الوجد نهران بيه






    فقط دمع الوجد نهران ليلاي

    على اللاظم الليلو فوك ليلاي

    جذب ماظن تصير بيوم ليلاي

    إذا حته آنه صاير موش أليه

    إذا حته آنه صاير موش أليه

    ----------------------------
    عشرتك روحــي صَـــــــــدگ ..ماتملها
    وگلبي ايــــــــــام سعـــــــدك .. ماتملها
    اريد انصــــب لروحــــــــــي .. مأتم الها
    واشوفك هم تجي وتبچي عليه ؟
    لو مرة تمــــــــــر مثـــــــل .. الشماتــه
    وأنا لنحرك يالاسمــــر وك .. شماتــــه
    ولك مغـــرور گالولــــــــــي .. بشماتـه
    صحيح ابشامتك تنغر عليه ؟
    لو تذكـــر رباي ويــــــــــاك .. والعـــن
    ولاتنغر علــى اللي بيــــــك .. والعـــن
    فرضنا لو اسبـــــــــك حيل .. والعــــن
    هم ابغيض وك تزعل عليه ؟
    لو تعرفني احبــــــــــــــــك .. واشتمنك
    ولأن منطـــي للواشــــــــي .. وشتمنك
    اريد اليـــوم احضنـــــــــك .. واشتمنك
    واشوفك هم تذب روحك عليه ؟
    لو رأساً تگلـــــــي ارجـوك .. هدنـــه
    وتعاركنـــي وتريــد انــوب .. هدنـــه
    ولك والله العشــــگ وياك .. هدنــــه
    مريض آنه تعال اسأل عليه ؟
    وشوف اشلون حالـــــي .. منتسلنـي
    ولكن سيف صًّــــــــــدگ .. منتسلني
    الدمع يغلب جوابـــــــــي .. منتسلني
    اضحك بالچذب غصبن عليه ؟
    لأن ماريــد اشوفك يـــوم .. حزنــــي
    وتدري ابسيف هجرك ولك .. حزني
    گلبك انت وحدك الـــــــــــي .. حزني
    و ( حيازة وحمل ) سلمتك بديه
    -----------------------------------
    بعيد وشافتك عيني من هناك
    وهناهة الروح صدكني من هناك
    اريد اسأل على كلبك منو هناك
    بعدهة خالية كل اراضية
    لو همينة كعدوا بيه حواسم
    وانا كلبي شحوا منك حوا سم
    اريد اعتب على الي بيك حوسم
    مايدري انتة كلك ملك الية
    لو رأسا يطلع بيدة طابو
    ويجي وياخذ من بلكلب طبو
    انا جروحي ابد مايوم طابو
    انتضرك تجيني تحن علية
    لأن ماعندي انا بلكون غيرك
    واريد اعرف شنو بهلناس غرك
    حبيتك تريد انوب اغيرك
    شنو مخبل جنت تلعب علية
    لو جيف اني احبك موت واكثر
    وضل حبي يزيد هواي واكثر
    شوف شلون كلبي عليك وك ثار
    بكثر مابيه من ضيم واذية
    وضل يومية يصرخ ليل وانهار
    ومن كثر العذاب انفجر وانهار
    ونارة ماطفت ببحور وانهار
    تطفى بجيتك انتة الية
    لأن ميت بدونك لامحالة
    وحالي من فركتك لام حالة
    شكثر حلوات كلبي لمحلة
    يكلهم ملك غيري مو الية
    وبس انتة الملكتة والك صار
    وماكو طوال عجبنة ولا كصار
    ولك كلي اريدنك ولك صر
    اصرارك يخلي الامل بية
    ديلا انطر جوابك سامع اني
    وحجي يجرح الشامت سمعاني
    ولك والله بغيابك سم اعاني
    واضن للدوم راح ابقى بأذية
    ويكلبي مو الك صارت وانتة لاهة
    وبعد مااضن نرجع ونتلاهة
    يربي انتة الخلقتة وانتة الاهة
    اريد تغيرة ويرجع الية
    --------------------------------
    عطيه العاذل شمطيــــك منفر
    دماغك مو كلت للمــوت منفر
    ضميرك ما تحــرك ليش منفر
    فحت روحي وبجت ذيج المسيه
    ونسيت ايام حبنه المشــــن والين
    وعلي بجفاك ناحـــت انس والين
    مهي ذبحة عشــك يفلان والين
    ذبح بهواه شهيــد بغير ديه
    وعفتني ولارحمت الدمـع مندر
    وانه لجيتك فرشت الكـــلب مندر
    شجاك تهزهزيت بساع مندر
    فعوك وافلحـو بالصار بيه
    ولا ليه حـرم رداك لاحل
    ولا اشدن صـرت محتار لاحل
    عجب لا موقف الهــزاك لاحل
    مت عيونك ومرهن طيـف اليه
    يطير الما وفيت وطــرت منعش
    حناني وجــان الك طرواي منعش
    خنت شوكي شحصل تقصيــر منعش
    رتي وسديته بابــك بس عليه
    ولا كلبك بفيي سنيــن منعن
    وشطبت اسمي وكتبت عليـه منعن
    صفيته وحسبت انجيـل منعن
    برك تالي الصنف محصـول اليه
    وبعت شوكي وعليه الصار راحك
    يمن ما يوم راحي المسـت راحك
    جزع كلبي وبعد مليـت راحك
    فر بحبك وارد للجـاهليه
    ونتوب بوادي حبك بعد منحل
    ونشد خيط الصبر وتعيـش منحل
    نسيت رويحتك يفـلان منحل
    فتلنه ودكت القران هيه
    وصرتلك خيـر كلي وانته منشر
    والملم بيك واستــر وانته منشر
    تضن ينساهـه كلبي ونته منشر
    بكتني ومن بعـد تضحك عليه
    واحس لضلوعي ضحجـك ذاك ملع
    وتهت ما بعد اميـز النعم ملع
    واخيرا هسه جـا رديت ملع
    بتك خلصت نويـت ترد اليه
    كبل جاوين عنه جنـت منجل
    دليلي وبي تهوش عليـك منجل
    ولا بدرك بزغلي بنـور منجل
    جلت دنياي واظلمـت عليه
    وانه بعازة ضـواك وجان مامش
    ويميــن بغير دربك جنت مامش
    شريتــك وانته الف ياحيف مامش
    ترينـي ولا مزادك مر عليه
    وانه الجليتـك وللغير مايل
    شجـاني وحضي بس وياك مايل
    خنت جيفـن عرفت الكلب ما يل
    تهي بغيـرك تعرفه وللمنيه
    وتمسني وتدري بيـه وياك مامس
    وهسه تكلي ولد اليـوم مامس
    ولك جـا من صفر عيناك مامس
    تحي من الصـار والسويته بيه
    وانه الصايرلك لعلياك سلم
    لان وكتـك ضحك وعليك سلم
    عساهـه ابحضك انته وروح سلم
    تك بجف الزمـان وهاي هيه
    -----------------------------
    الگـمر عبــاس يتفــــجر-------بساله
    الشجاعه مفصله لشخصـــه-------بساله
    الفوارس لوا اجــه تبســـل------بساله
    لانهه تشوف بجفوفه المنيه
    تشوف المــوت مـن يگبـــل------اجلهه
    وابـد لو صال يتـــاخــــر------اجلهه
    المواقــف للگمــر اوگـــف------اجلهه
    وشيل الايد اقدملهه التحيه
    اشيــل الايــد ابــو فاضل-------وايدك
    يمن دكيـت مضجعهــم-------وايدك
    لون ايدي انگطع جفهــه-------وايدك
    تظل بالكون منصوره وزهيه
    تظل بالكـون يا عــزهه-------وملهه
    المراجل تبقه ابوهه انتــه-------وملهه
    محبتك لو اصـد عنهــه-------وملهه
    يلفني الموت وتطمني الوطيه
    يلفني الموت لو شخصـك------سليته
    ونه من دم دمع عينــي------سليته
    يمن سيفك عله الباطــل------سليته
    سليته وقدمت روحك ضحيه
    سليته وقدمـت روحك------قرابه
    تريد الباري ولوجهــه------قرابه
    دفاعـك مولجل خوه و------قرابه
    دفاعك جان واضح عن قضيه
    دفاعك جان اسطـوره------ومعاجز
    وتدور بس رضا البـاري------ومعاجز
    انه ادري الماي لوردتــه------معاجز
    الفرات تشيله كله من الوطيه
    الفرات تشيله متاكـد------منصله
    شنوصف نعجز بوصفـه------منصله
    عله العباس لا تســال------منصله
    الاصل واضح يشع مثل الثريه

    ---------------------------------
    من غير نظره حسد هذا الوطن بصره
    بيه راح تلكه حرز خير وبعد بصره
    ممليه شوك وفرح وسمه الحلو بصره
    .....................................
    لبنه الفداله العمر وبصورته ذي قار
    ذاك اليشل كل جرح ويصب عسل ذي قار
    ياوطن مثله صبح عنده بشكل ذي قار
    ...................................
    كاع الشعر الادب وبكل محل ميسان
    وجيلات اهلهه شكثر ظهر الظلم ميسان
    معروفه ام الصبر بت الوطن ميسان
    ...................................
    ذيج الاهلهه وهلي عاشو عمر ساوه
    وغلطان ارضهه بببارض كلمن اجه ساوه
    لو مر علينه العطش تروي العطش ساوه
    ....................................
    وشعلان ابنه الفحل نيران اله ديوان
    بكار الجانب كبل والسفر بيه ديوان
    القادسه اسم بس بالسجل ديوان
    ..................................
    يجمع اهل ديرته والحي يطالس حي
    مايوم كف كهوته وليل اليمر بيه حي
    وشمحله واسط بعد وشعز قضاء الحي
    .....................................
    حين اعله دربه نمر بطرافه لمن نجف
    ننطي الدع للوطن حد مادمعنه نجف
    دورنه كل الارض ماشفنه مثل النجف
    ......................................
    والغاد منه بعد كاع الذي كربله
    عاشور بسمه شهد وشكد حمل كربله
    ياكاع مثلج حزن شافت يرض كربله
    .....................................
    ملعون سيف الكفر جي حارب العاصمه
    والعاصي امام العصر لابد وان عاصمه
    بغداد رمز الوطن هي التظل عاصمه
    .....................................
    اسم الوطن بالعرش محد وصل حله
    وبان الحبل يالتضد ماننهطر حله
    تاريخ بيهه انولد ماتنمحي الحله
    ......................................
    سرهه بدليلي انكتب ماينفضح انبار
    وعالحصل بيهه امس من فاجعه انبار
    مفجوعه بابل تظل تنزف عله الانبار
    ....................................
    بس تدري سيف الظلم من ينثلم موصل
    السيف هذا الوطن سيف الغدر موصل
    يامحله بيهه العشك ام الورد موصل
    ....................................
    بكل وصله منهه عسل بيهه الطعم تأميم
    ما ينفصل لاحشه حب هالوطن تأميم
    ينسر دليله بفرح كل اليطب تاميم
    ....................................
    كل كلب منهه يود ويخاطبك ودهوك
    وينطيك شده ورد لهل العشك ودهوك
    هذا الوطن بيه شجر ويذب ثمر ودهوك
    .....................................
    شجرته تنكط عسل والمصطفى والدين
    وكصبات اهلنه شكثر كتبن كتب ودين
    لم العتابه وقرت بيهن صلاح الدين
    ....................................
    الكاهه بيت الفرح يهتفلي ديالى
    طبلي واشافي الكلب لوبيه صفه ديالى
    نوراني خد الوطن من شجره ديالى
    ................................
    فارس صبح موطني محد كدر جبله
    مادام حيدر على بكاعه يظل جبله
    ويه الهور واكف سوه هذا الوطن جبله

    والجبل هم متصل وي نخله البصره
    --------------------------------
    مثل حبكم لبو السجاد عباس
    ابتشرنه وجه ابو سفيان عباس
    فطر بطن السمه من نزل عباس
    بنزلته وكسّر خشوم ال اميه

    بنزلته وكسر خشم الكفر من صال
    صل هذا اصيل انولد من صال
    بالدم دفه عظم الدين منصال
    وشعل بالدم فيافي الغاضريه


    هذا المرتضى بالشرف وسماه
    عله راسالكنطره حطاه وسماه
    سبع الكنطره ورد المنيه

    سبع الكنطره المهيوب ماهاب
    موهوب الكمر بالنصر ماهاب
    من هب الهوه وياه ماهاب
    وكف حته الهوه بالغاضريه

    وكف حته الهوه والجيش صف صف
    وطركهم طركة السرحان صف صف
    شته هذا يصيح وذاك صف صف
    زلم مطرت سماهه عله الوطيه

    زلم مطرت سماهه وساف منساف
    وبنه للدين بالدم ساف من ساف
    تره العباس شايل سيف من ساف
    عدا الفقارماموجود اخيه

    عدا الفقار سيفه مايمنه
    الكون بكبره من هد مايمنه
    اجه مناك صاحو مايمنه
    اجه منا نثرهم واهليه

    اجه منا نثرهم سوك من ساك
    سكه ساكي المنايا الموت من ساك
    التفت ماتميز ساك من ساك
    صور بكربله دك لال اميه
    -----------------------------
    بعيد وشافتك عيني من هناك
    وهناهة الروح صدكني من هناك
    اريد اسأل على كلبك منو هناك
    بعدهة خالية كل اراضية
    لو همينة كعدوا بيه حواسم
    وانا كلبي شحوا منك حوا سم
    اريد اعتب على الي بيك حوسم
    مايدري انتة كلك ملك الية
    لو رأسا يطلع بيدة طابو
    ويجي وياخذ من بلكلب طبو
    انا جروحي ابد مايوم طابو
    انتضرك تجيني تحن علية
    لأن ماعندي انا بلكون غيرك
    واريد اعرف شنو بهلناس غرك
    حبيتك تريد انوب اغيرك
    شنو مخبل جنت تلعب علية
    لو جيف اني احبك موت واكثر
    وضل حبي يزيد هواي واكثر
    شوف شلون كلبي عليك وك ثار
    بكثر مابيه من ضيم واذية
    وضل يومية يصرخ ليل وانهار
    ومن كثر العذاب انفجر وانهار
    ونارة ماطفت ببحور وانهار
    تطفى بجيتك انتة الية
    لأن ميت بدونك لامحالة
    وحالي من فركتك لام حالة
    شكثر حلوات كلبي لمحلة
    يكلهم ملك غيري مو الية
    وبس انتة الملكتة والك صار
    وماكو طوال عجبنة ولا كصار
    ولك كلي اريدنك ولك صر
    اصرارك يخلي الامل بية
    ديلا انطر جوابك سامع اني
    وحجي يجرح الشامت سمعاني
    ولك والله بغيابك سم اعاني
    واضن للدوم راح ابقى بأذية
    ويكلبي مو الك صارت وانتة لاهة
    وبعد مااظن نرجع ونتلاهة
    يربي انتة الخلقتة وانتة الاهة
    اريد تغيرة ويرجع الية
    -----------------------------
    أتلكه حجايتك حتما وردهه
    بسكوتي وأستبد وأكطع وردهه
    بسيفي وأسحك بروحي وردهه
    =

    بطرف جدمي اذا جدمك وصلها
    وأسبحها بدمع يسعر وصلها
    وألعن أبو الجايبها وأصلها

    =
    أذا تطري على الشفتين طاريك
    أنه طيري يون لو جان طاريك
    تجبره عله الفرح نغمات طاريك
    =

    كسرته وجبره بالغيم كسراه
    ودمعه عله المطر والريح كسراه
    مارايد ملك لاتاج كسراه
    =
    هوى بلقيس وأسمه انكلب هدهد
    لزمته وصفك جنحه وصاح هدهد
    بعد مارد الك عالهون هد هد

    =
    ولا امد جفي لجفوفك وطالس
    لأن كلبي اظلم بحجيك وطالس
    تذبني بلجة الهندي وطالس

    =
    وعود تمد الي جفك من اغراك
    خلها الزينه مو منك من اغراك
    ولايهتز بعد كلبي من أغراك

    =
    لأن دار ولكه بظهرك خيانه
    اشجار احنه ورمل غدرك خيانه
    يخي انه الشلت حملك خيانه
    =

    على متوني شعجب تفضح سياتي
    جزاك الله وجزه الدنياسياتي
    العجب وياي بس يومك سياتي

    =
    ويخلص دورك التافه وفصلاك
    وعلى كيفي افج خامك وفصلاك
    يذبحك بس ومض سيفي وفصلاك
    =

    وإذا حتى الشمس للفصل ديه
    وإذا حته الشمس للفصل ديه
    ---------------------------
    خبرنـي اعله گلبــــك .. من جنابي
    ويحبك غيــري آنــــه .. من جنابي
    إذا تقصيــر حاصــــل .. من جنابي
    أجيب الروح الك بثنين أديه
    وسوي اشما تريـد وياي .. واحكام
    وضيقلي الخناق ابعمـد .. واحكام
    أجيب الحبس والمامـور .. واحكام
    وصير القاضي وترئس عليه
    وأنا اشكيلك اجروحي اشلون .. فرعن
    وگلبي اللــي ابغيابك علــــيَّ .. فرعن
    واذا حكمــــك ويــاي ابحكــم .. فرعون
    عصت موسى آنه ابين اديه
    وأبطل بالعصـــى سحرك .. وكيداك
    وآخـــذ حگي أنا بيدي .. وكيداك
    جـــوه وتشلع ابگلبـي .. وكيداك
    دجر ايدك ، شنو ماتحس بيه !؟؟
    لو واهــــس خـــــذاك وردت .. گلبي
    دخــــذه الصبر مـــــن ازمان .. گلبي
    يدنيا السهم بيــــدچ صــــــار .. گلبي
    ومثل شيبوب صيري انتي قويه
    وحيل اترادفـي الطعنه .. وطعني
    لأن طيري اللــي طيرته .. وطعني
    گلبي الما أخذ شــــــــوري .. وطعني
    هم امسايره واجب عليه ؟؟
    لو أمشي ابهوى راســي .. وعقلاي
    وأجازي ابرده الربيته .. وعقلاي
    يروحي اشبيچ وچ هيدي .. وعقلاي

    اشو سيفچ گبلهم هد عليه
    ووصل بسيوف هجـره .. واصلتني
    واصيح النار واصـرخ .. واصلتني
    طحت وادري المنيــــه .. واصلتني
    بس ابلا وعي مديت اديه
    وصافحت التعلــــــم .. من هوانه
    ذل وعاش ذلــــــــه .. من هوانه
    انا امــدد ويســــأل .. منهو آنه
    وگبل يومين چنه احنه سويه !!

  2. #2

    عضو ماسي

     

    الصورة الرمزية young breezy
    رقم العضوية : 242
    تاريخ التسجيل : Jul 2011
    المشاركات : 905
    التقييم : 10
    الدولة : Hip.Hop.Blace
    العمل : oût.of.work
    المزاج : *Ko0o0o0oL*
    الجنـس : ذكر
    الجنسية : ¤I.R.A.Q.I¤
    الهوايه : Internet.&.Hip.Hop
    SMS:

    ¤U.DonT.K'noW.HiP.HoP¤

    افتراضي

    عاشت ايدك شعر روعه

  3. #3

    عضو مميز

     

    الصورة الرمزية حيدر التميمي
    رقم العضوية : 6
    تاريخ التسجيل : Jul 2010
    المشاركات : 107
    التقييم : 20
    الدولة : الكره الارضيه/قارة اسيا/العراق/واسط/الصويرة/بيتنا/كدام الحاسبه/ارتاحيتووووو!!!
    العمل : اعمال حره
    المزاج : حزين
    الجنـس : ذكر
    الجنسية : عراقـــــــ وافتخر ــــــي
    الهوايه : الانترنيت
    SMS:

    ابد لاتنفعل وصيت الرموش يمايع بين ادي يا طيب الانفاس نام انته عوافي تغطه بالروح وانه اغزل بالللصبح بخيوط النعاس

    افتراضي

    تسلم اخي الغالي
    جميل ما خطه قلمك
    تحيتي لك
    تواقيع الأعضاء غير ظاهرة لتسريع تحميل الصفحة يجب التسجيل أو تسجيل الدخول لمشاهدتها

  4. #4

    عضو ذهبي

     

    الصورة الرمزية صمتي حكايتي
    رقم العضوية : 452
    تاريخ التسجيل : Aug 2011
    المشاركات : 414
    التقييم : 10
    الدولة : العراق
    العمل : لا املك
    المزاج : عاديه
    الجنـس : انثى
    الجنسية : عراقيه
    الهوايه : في نت

    افتراضي

    سلمت يداك

  5. #5

    عضو جديد

     

    الصورة الرمزية صلاح الشحماني
    رقم العضوية : 218
    تاريخ التسجيل : Jul 2011
    المشاركات : 28
    التقييم : 10
    الدولة : واسط / الكوت
    العمل : طالب
    المزاج : طبيعي
    الجنـس : ذكر
    الجنسية : عراقي
    الهوايه : كتابة الشعر الشعبي

    افتراضي

    عاشت ايدك روووووووووعة
    تواقيع الأعضاء غير ظاهرة لتسريع تحميل الصفحة يجب التسجيل أو تسجيل الدخول لمشاهدتها

  6. #6

    مشرف منتدى الشعر الشعبي

     

    الصورة الرمزية M Y S R
    رقم العضوية : 1781
    تاريخ التسجيل : Dec 2011
    المشاركات : 228
    التقييم : 10
    الدولة : في قلب ريال مدريد
    العمل : طالب
    المزاج : حنيــــــــــــن
    الجنـس : ذكر
    الجنسية : عراقية
    الهوايه : الرياضه, المافيا, السياقه,بعض الرومانسيه
    SMS:

    تحياتي الى من دمر حياتــــــــي ][ الجريح ][ ][ ابونمـــر المدريـــديــ ][

    افتراضي رد: احله ابوذيه

    تسلم كلك ذوق

المواضيع المتشابهه

  1. احله ابوذيه
    بواسطة صائد القلوب في المنتدى منتدى الشعر الشعبي
    مشاركات: 4
    آخر مشاركة: 01-28-2012, 11:57 PM
  2. احله ابوذيه
    بواسطة صائد القلوب في المنتدى منتدى الشعر الشعبي
    مشاركات: 4
    آخر مشاركة: 01-04-2012, 02:53 PM
  3. احله ابوذيه
    بواسطة صائد القلوب في المنتدى منتدى الشعر الشعبي
    مشاركات: 1
    آخر مشاركة: 07-26-2011, 02:17 PM
  4. احله ابوذيه
    بواسطة صائد القلوب في المنتدى منتدى الشعر الشعبي
    مشاركات: 1
    آخر مشاركة: 07-26-2011, 02:11 PM

الاعضاء اللذين شاهدو الموضوع : 0

(مشاهده قراء الموضوع)

لايوجد اسماء لعرضها

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك

stars wasite tumblr      ||      RSS         || خريطة المنتديات             

RSS 1 || RSS 2 || RSS 3 ||

دجلة واسط وورد بريسس        ||   دجلة واسط واسط  تويتر      ||    stars wasite posterous     ||    stars wasite bloger    || stars wasite facebook